एजेन्सी– इजरायली चर्चित अभिनेता चाइप टोपोलको निधन भएको छ ।
टोपोलको ८७ वर्षको उमेरमा निधन भएको हो । अन्तर्राष्ट्रिय सञ्चार माध्यमका अनुसार टोपोलको बुधबार आफ्नै निवासमा निधन भएको हो । स्वास्थ्यमा समस्या भएको कारण उनको निधन भएको हो ।
टोपोलको निधनमा इजरायली राष्ट्रपति आइज्याक हर्जोगले एक विज्ञप्ति मार्फत शोक व्यक्त गरेका थिए । टोपोललाई प्रतिभाशाली व्यक्तिको रूपमा वर्णन गर्दै उनले इजरायलमा मात्र नभएर टोपोल अन्य देशहरूमा पनि प्रसिद्ध भएको बताए ।
टोपोल ‘फिडलर अन द रूफ’ मा मिल्कम्यानको भूमिकाको लागि परिचित थिए । यससँगै उनले धेरै फिल्ममा पनि काम गरेका थिए । सन् १९७१ मा टोपोलले एक यहूदी बुबाको भूमिका निभाएका थिए । जसको लागि उनलाई सर्वश्रेष्ठ अभिनेताको लागि गोल्डेन ग्लोब पुरस्कार प्रदान गरिएको थियो ।
योसँगै टोपोलले उत्कृष्ट अभिनेताको ओस्कार पनि जितेका थिए ।