मेष- अरूको भर पर्दा काममा धोका पाइनेछ । परिवारजनमा असन्तुष्टि बढ्न सक्छ। घरायसी कामको झमेलाबाट मुक्ति मिल्नेछ। प्रयत्न गरे अप्ठ्यारा काम सजिलै सम्पादन हुनेछन्।
वृष- हातैमा आएको अवसर गुम्न सक्छ, चनाखो रहनुहोला। नयाँ कामको शुरुवात हुनेछ। व्यापारमा फाइदा हुनेछ। आजको दिन सामान्य नै छ।
मिथुन- धार्मिक यात्रा हुनेछ। राजनीतिक पहुँच बढ्नेछ। धन लाभ हुनेछ।
कर्कट- मान सम्मान मिल्नेछ। प्रतिष्ठित व्यक्तित्वसँग भेटघाट हुनेछ। काममा आफन्तको सहयोग जुट्न सक्छ। आम्दानी बढ्नाले उत्साह थपिनेछ।
सिंह- भारी खानपानमा सजग रहनुहोला। सुखद समाचारले काममा उत्साह जगाउनेछ। व्यवसाय र उद्योगधन्दामा राम्रो फाइदा मिल्नेछ।
कन्या- टाढाको यात्राबाट धनलाभ हुनेछ। व्यापार-व्यवसायमा राम्रै फाइदा हुनेछ। भूमिबाट प्रशस्त फाइदा मिल्नेछ। अप्ठ्यारा ठानिएका काम पनि सहजै सम्पादन हुनेछन्।
तुला- पति पत्नीबीच असमझदारी बढ्ने सम्भावना छ। पेटको समस्याले सताउन सक्छ। चिताएको काममा ढिलासुस्ती हुनेछ।
वृश्चिक- आफन्त, परिवारजनमा आत्मीयता बढ्नेछ। स्वास्थ्य समस्या देखिन्छ। आजको दिन मध्यम छ।
धनु- धनलाभ हुनेछ। भौतिक साधनहरू जुट्नेछन्। लामो समयदेखि रोकिएका काम बन्नेछन्। कुनै नयाँ काम प्रारम्भ हुन सक्छ।
मकर- रमाइलो यात्रा गर्ने अवसर प्राप्त होला। पठन पाठनमा राम्रो प्रगति हुनेछ। टाढाको यात्रा हुने सम्भावना छ।
कुम्भ- काममा बाधा हुन सक्छ। घरखर्च बढ्नेछ। घरेलु समस्याले सताउन सक्छ। घरजग्गा वा अन्य सम्पत्तिमा विवाद आउन सक्छ।
मीन- चोट पटकको भय छ। सवारी साधन प्रयोग गर्दा विशेष सावधानी अपनाउनु होला। आर्थिक समस्या समाधान हुनेछ।