मेष- अचल सम्पत्ति लाभदायक रहला। साथीभाइको सहयोग प्राप्त हुनेछ। भौतिक साधन प्राप्त हुने योग छ। एकपछि अर्को आम्दानीका स्रोत फेला पर्ने छन्।
वृष- विवादमा परिने योग भएकाले बोल्दा विचार पुर्याउनु होला। आलोचनाको योग रहेकाले सावधानी आवश्यक देखिन्छ।
मिथुन- स्वादिष्ट व्यञ्जन प्राप्त होला। अवरुद्ध कामहरू धमाधम सम्पादन हुने छन्। धोकेबाजहरूबाट सावधानी अपनाउनु होला।
कर्कट- नयाँ काममा हात हाल्न नहिच्किचाउनु होला। आँटले काम लिनुपर्ने समय छ। मान प्रतिष्ठामा बढोत्तरी होला।
सिंह- प्रतिस्पर्धीहरू सहजै परास्त होलान्। प्रेम सम्बन्ध र प्रणयको योग छ। स्वास्थ्यमा समस्या देखिएला। नयाँ काम थालनी गर्ने योग छ।
कन्या- कामको प्रतिफल प्राप्त हुने समय छ। आम्दानीका स्रोत बढ्ने छन्। विशिष्ट व्यक्तिहरूबाट साथ पाइने छ।
तुला- पारिवारिक वातावरणमा दिन व्यतित होला। अति महत्त्वाकांक्षा त्याग्नु उत्तम हुनेछ। विलासिताबाट पनि टाढा रहनु होला।
वृश्चिक- लक्ष्य पहिल्याउने समय छ। त्यस दिशातर्फ उन्मुख रहनु होला। आफन्तजन टाढिएलान्। गुरुजनको भने साथ पाइने छ।
धनु- आम्दानीका स्रोतहरू प्राप्त होलान्। आकस्मिक धनलाभको योग पनि छ। लगनशील व्यवहारमा कायम रहनु होला, लक्ष्य प्राप्त हुनेछ।
मकर- विवेकपूर्ण काम गर्ने समय छ। बोल्दा विचार पुर्याउनु अत्यावश्यक छ। साझेदारी व्यवसायले लाभ हासिल होला।
कुम्भ- आजको दिन अल्छीले सताउला। तथापि, जागिरमा पदोन्नती र सरुवाको योग छ। अत्यावश्यक काममा बाहेक खर्च नगर्नु नै उत्तम हुनेछ।
मीन- परनिर्भरता त्याग्नु उचित हुनेछ। आँट र हिम्मतका साथ पाइला चाल्नुभयो भने सफलता पोल्टामा पर्नेछ। दीर्घकालीन काम अगाडि बढाउने समय छ।