काठमाडौँ – नेपाली चलचित्र पत्रकार सङ्घको अध्यक्षमा समीर बलामी निर्वाचित भएका छन्। बिहीबार सम्पन्न संस्थाको नवौँ महाधिवेशनले बलामीको नेतृत्वमा नयाँ कार्यसमिति निर्वाचित गरेको हो ।

सङ्घको उपाध्यक्ष सङ्गठनतर्फ विजय सुवेदी,आवाज, निर्वाचित भएका छन्। महासचिवमा रघुनाथ सापकोटा, सचिवमा नवीन गिरी, सचिव समावेशीतर्फ उद्धव रसाइली, कोषाध्यक्षमा मनिष कार्की र सहकोषाध्यक्ष मनिष अञ्जना निर्वाचित भएका छन्।

उपाध्यक्ष महिलातर्फ सुरक्षा भट्टराई निर्वाचित भएका छन्। बलामीले ८३ मत पाउँदा घिमिरेले ६७ मत प्राप्त गरे।

सदस्यहरूमा सुरेन्द्र थापा, चक्रप्रसाद ‘सिपी’ जैसी, अर्जुन गुरागाईँ, अनुप भट्टराई, निशा बजगाईँ, कृष्ण पाण्डे, सदस्य महिलातर्फ सुष्मा कार्की र सदस्य समावेशीतर्फ महम्मद जलिम निर्वाचित भएका हुन्।