मोरङ – कलाकार पवन खतिवडालाई प्रहरीले नियन्त्रणमा लिएको छ । कलाकार खतिवडाले मादक पदार्थ सेवन गरी होहल्ला र कुटपिट गरेको भन्दै प्रहरीले नियन्त्रणमा लिएको हो।

मंगलबार राति मोरङको बेलबारी नगरपालिका–१ स्थित एक होटलबाट उनलाई नियन्त्रणमा लिएको जिल्ला प्रहरी कार्यालयका प्रहरी नायब उपरीक्षक (डिएसपी) टीकाबहादुर कार्कीले जानकारी दिएका छन् ।

बेलबारी ४ का जीवन कार्कीलाई कुटपिट गरेको आरोप उनीमाथि लागेको छ। कुटपिटबाट सामान्य घाइते भएका ती युवालाई उपचारका लागि अस्पताल पठाइएको छ। पीडित पक्षका आफन्तहरु प्रहरी कार्यालय आउँदै गरेको र मिलापत्र भएको अवस्थामा मात्रै उनलाई छाडिने इन्सपेक्टर धमलाले बताए।