काठमाडौं– गायक सुनिल गिरी नयाँ गीत लिएर स्रोता माझ आएका छन्।

उनी ‘जुम्ला’बोलको नयाँ गीतका साथ बजारमा आएका हुन्। गीतको म्यूजिक भिडिओ पनि सार्वजनिक गरिएको छ। जुम्लामा छायांकन गरिएको गीत लेखनमा गिरीले निलसागरसँग सहकार्य गरेका छन्।

गीतमा संगीत तथा संगीत संयोजन भने उनी आफैले गरेका हुन्। सार्वजनिक भिडिओमा डडेल्धुराकी चर्चित टिकटकर मिस पबि र रोशन केसीको अभिनय गरेका छन्। मिस पबी अर्थात पबित्रा साकी डडेल्धुराको स्थानीय भाषा बोलेर टिकटकमा चर्चित छिन्।

गायक गिरीकै कथा र परिकल्पनामा तयार भएको भिडिओलाई शिशिर खातीले निर्देशन गरेका हुन्। विवेक विकले छायांकन गरेको म्युजिक भिडिओलाई दिवा तामाङले कोरियोग्राफी गरेका छन्।