काठमाडौं- आज २६ डिसेम्बर। प्रस्तुत छ विश्व इतिहासमा आज भएका केही स्मरणीय घटनाक्रम।
– सन् २००४- ठूलो सुनामीले भारत, इन्डोनेसिया, मलेसिया, श्रीलंका र थाइल्यान्डमा हजारौंको मृत्यु, अर्बौंको सम्पत्तिमा क्षति
यस दिन इन्डोनेसियाको सुमात्रा तटीय क्षेत्रमा ९.१ म्याग्निच्युडको भूकम्पपछि सुनामी आएको थियो। यो भूकम्प इतिहासमा रेक्टर स्केल प्रयोग गरी मापन गरिएको तेस्रो शक्तिशाली भूकम्प थियो।
– सन् २००३- इरानमा ६.६ म्याग्निच्युडको भूकम्प। २६ हजारको मृत्यु र ३० हजारभन्दा बढी घाइते। यसलाई ‘बम भूकम्प’को रूपमा चिनिन्छ।
– सन् १९८२- टाइम्स पत्रिकाको डिसेम्बर अंकमा व्यक्तिगत कम्प्युटरलाई ‘वर्ष व्यक्ति’ घोषणा
सन् १९२७ मा ‘म्यान अफ द इयर’ परम्परा शुरु भएको थियो। टाइम पत्रिकामा वर्षभरका घटनाहरूलाई महत्त्वपूर्ण रूपमा प्रभाव पार्ने व्यक्तिहरूलाई पहिचान र प्रदर्शन गर्ने तरिकाको रूपमा शुुरु भयो। सन् १९९९ मा फिचरलाई ‘पर्सन अफ द इयर’ नाम दिइएको थियो।
– सन् १९६६- पहिलो क्वान्जा समारोह
अमेरिकाको अफ्रिकी डायस्पोरामा साता लामो सांस्कृतिक बिदा मनाइन्छ। यो छुट्टी हरेक वर्ष डिसेम्बर २६ देखि जनवरी १ सम्म मनाइन्छ। यो अफ्रिकी संस्कृति र सम्पदाको मान्यता हो।
– सन् १९४१- नोभेम्बरको चौथो बिहीबार अमेरिकामा धन्यवाद दिनको रूपमा सेट गरियो
संयुक्त राज्य अमेरिकामा सन् १८६३ देखि आधिकारिक रूपमा यो छुट्टी मनाइँदै आएको छ। पहिलो थ्यांक्सगिभिङलाई म्यासाचुसेट्स बे कालोनीमा प्रारम्भिक बसोबास गर्नेहरूले सन् १६२१ मा पहिलो फसल काटिसकेपछि मनाउन थालेको मानिन्छ।
– सन् १८९८- क्युरिजद्वारा रेडियमको अस्तित्वको घोषणा
रेडियोधर्मी तत्त्वको परमाणु संख्या ८८ छ। यो प्रतीक ‘आरए’द्वारा चिनिन्छ। यो एक अत्यधिक विषाक्त तत्त्व हो र वैज्ञानिक उद्देश्यका लागि यसको व्यापक प्रयोग गरिँदै आएको छ।
– सन् १९८३- जनगणतन्त्र चीनका संस्थापक नेता माओत्से तुङको जन्म। उनी नेतृत्वको सशस्त्र विद्रोहबाट चीनमा कम्युनिस्ट शासन व्यवस्था स्थापना भएको थियो, जुन अद्यापि कायम छ।
