काठमाडाैं : बिहीबार रिहा हुने तयारीमा रहेका सिरियल किलर फ्रान्सेली नागरिक चार्ल्स शोभराज आज रिहा नहुने भएका छन् ।

केन्द्रीय कारागारबाट अध्यागमन विभाग लैजाने तयारी गरेकाे पनि अध्यागमनले जिम्मा जमानीमा छाड्ने भएपछि शोभराज रिहा हुन नमानेका हुन्।

शोभराज आज केन्द्रीय कारागारमै पाहुनाका रुपमा बस्नेछन् ।

केन्द्रीय कारागारबाट चाल्र्स रिहा हुने भएपछि अध्यागमनका कर्मचारीहरु छलफलमा बसेका थिए । उनीहरुले चार्ल्सलाई कसैको जिम्मामा छाड्ने तयारी गरेका थिए ।

चाल्र्सले नमानेपछि बिहीबार राति केन्द्रीय कारागारमै राखेर शुक्रबार मात्र अध्यागमन कार्यालयमा लैजाने तयारी भएको हो ।