काठमाडौं- नेपाली कांग्रेस संसदीय दलको निर्वाचन सम्पन्न भएको छ।

बुधबार बिहान करिब ९ बजेदेखि शुरु भएको निर्वाचन केहीबेर अघिमात्र सम्पन्न भएको निर्वाचनमा खटिएका पार्टीका एक नेताले जानकारी दिए।

निर्वाचनमा कुल ८९ मत खसेको हो। सुत्केरी सांसद्लाई मतदान गराउन प्रतिनिधिहरू अस्पताल मै पुगेका थिए।

सांसद माया राई सुत्केरी भएका कारण संसदीय दलको कार्यालय सिंहदरबारमा उपस्थित हुन नसकेपछि निर्वाचन समितिका प्रतिनिधिहरू अस्पताल गएका हुन्। उनी ओम अस्पतालमा छिन्।

आज बिहान ८ बजे शुरु हुने भनिएको निर्वाचन करिब ९ बजेमात्र शुरु भएको थियो।

संसदीय दलको नेताका लागि कांग्रेसका सभापति शेरबहादुर देउवा र महामन्त्री गगन थापाबीच प्रतिष्पर्धा हुँदैछ।