काठमाडौं– कैलालीको धनगढी उपमहानगर–१ बाट नक्कली नोटसहित भारतिय नागरिक पक्राउ परेका छन् । धनगढी उपमहानगरको पशुपति टोलबाट पाँच सय रुपैयाँ दरको नौ थान नक्कली नोटसहित भारत पलिया बस्ने ३६ वर्षीय ब्रिजेस गुप्ता पक्राउ परेका छन् ।

उनलाई आइतबार साँझ प्रहरीले पक्राउ गरेको हो । पशुपति टोलस्थित जय श्री चण्डिका ट्रेडस एण्ड सप्लायर्समा रक्सी खरिद गर्न भनेर आएका उनले उक्त नक्कली नोट ल्याएको भन्ने जानकारी प्राप्त भएको थियो ।

उक्त सूचना पाएसँगै जिल्ला प्रहरी कार्यालय कैलालीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।