काठमाडौं । बाराही हाइड्रोपावरले सर्वसाधारणहरूको लागि आज (बुधबार) देखि आइपिओ निष्कासन गरेको छ। कम्पनीले कुल ५ लाख ५४ हजार कित्ता सेयर निष्कासन गरेको हो।
कम्पनीले पहिलो चरणमा आयोजा प्रभावित स्थानीयमा २ लाख ५० हजार कित्ता आइपिओ वितरण गरेको थियो। सो समयमा बिक्री हुन नसकेको १ लाख ४ हजार कित्ता सेयरसमेत जोडेर कम्पनीले सर्वसाधारणमा आइपिओ जारी गरेको हो।
सर्वसाधारणमा वितरण गरिने कुल कित्ता सेयरमध्ये ५ प्रतिशत अर्थात् २७ हजार कित्ता सेयर सामूहिक लगानी कोषहरूको लागि बाँडफाँट गरिएको छ भने २ प्रतिशत अर्थात् ११ हजार ८० कित्ता सेयर कर्मचारीका लागि छुट्याइएको कम्पनीले बताएको छ।
यो बाहेक बाँकी ५ लाख १५ हजार २२० कित्ता सेयर कम्पनीले सर्वसाधारणका लागि वितरण गर्न लागेको हो।
यो सेयर छिटोमा मंसिर २६ गतेसम्म बिक्रीमा रहनेछ। उक्त अवधिमा सम्पूर्ण सेयर बिक्री नभएमा भने पुस ६ गतेसम्म बिक्री लम्बिनेछ। उक्त आइपिओमा न्यूनतम १० कित्तादेखि अधिकतम १० हजार कित्तासम्म माग गर्न सकिने व्यवस्था छ।