काठमाडौं- नेपाली बजारमा शुक्रबार पनि सुनको मूल्य बढेको छ।

बिहीबार दिन प्रतितोला पाँच सय रुपैयाँ बढेकामा आज प्रतितोला एक हजार रुपैयाँ बढोत्तरी भएको छ।

सुनचाँदी व्यवसायी महासंघका अनुसार शुक्रबार प्रतितोला छापावाल सुन ९९ हजार १०० र तेजाबी सुन ९८ हजार ६०० रुपैयाँमा कारोबार भइरहेको छ।

हिजो छापावाल सुन प्रतितोला ९८ हजार १०० र तेजाबी सुन प्रतितोला ९७ हजार ६०० रुपैयाँमा खरिद-बिक्री भएको थियो।

यस्तै, शुक्रबार चाँदीको मूल्य पनि १५ रुपैयाँ बढेको छ। आज चाँदी प्रतितोला १३ सय ४५ रुपैयाँमा कारोबार भइरहेको छ। बिहीबार १३ सय ३० रुपैयाँमा खरिद-बिक्री भएको थियो।