काठमाडौं । आइसीसी क्रिकेट विश्वकप लिग टु अन्तर्गत नेपालले आज नामिबियासँग खेल्दैछ। आईसीसी विश्वकप लिग टु अन्तर्गतको त्रिदेशीय सिरिजको पहिलो खेल नेपालले खेल्न लागेको हो।

खेल वाईन्डरस क्रिकेट मैदानमा नेपाली समयअनुसार दिउँसो १ः४५ बाट सुरु हुनेछ। नेपाल घरेलु टोली नामिबिया विरुद्ध ओडिआईमा पहिलो जित निकाल्ने लक्ष्यसहित मैदान उत्रनेछ। यस सिरिजमा नेपाल, नामिबीया तथा स्कटल्याण्डको सहभागीता रहेको छ ।

नेपाली टिममा रोहित पौडेल (कप्तान), आसिफ शेख, अर्जुन साउद, ज्ञानेन्द्र मल्ल, दिपेन्द्र सिंह ऐरी, आरिफ शेख, कुशल भुर्तेल, सोमपाल कामी, करण केसी, सागर ढकाल, नन्दन यादव, गुलसन झा, हरिशंकर शाह र ललित राजवंशी रहेका छन्।