काठमाडौँ । सत्ता गठबन्धनका शीर्ष नेताहरूबीच प्रधानमन्त्री निवास बालुवाटारमा भेटवार्ता भएको छ ।

प्रधानमन्त्री तथा नेपाली कांग्रेसका सभापति शेरबहादुर देउवालाई नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालले भेटवार्ता गरेका हुन् ।

आज बिहान बालुवाटार पुगेर उनीहरूले प्रधानमन्त्री देउवासँग छुट्टाछुट्टै भेट गरेका हुन् । शनिबार प्रधानमन्त्री देउवा र प्रचण्डबीच अहिलेकै गठबन्धनले नयाँ सरकार बनाउनेबारे छलफल भएको थियो ।

उनीहरूबीच चुनावी परिणामको समीक्षा, समसामयिक राजनीति र भावी सरकारका विषयमा छलफल भएको जनाइएको छ ।