काठमाडौं- एकीकृत समाजवादीका सम्मानित नेता झलनाथ खनाल पराजित भएका छन्।

इलाम क्षेत्र नम्बर १ मा खनाललाई पराजित गर्दै एमालेका महेश बस्नेत विजयी बनेका छन्।

पूर्वप्रधानमन्त्री खनाललाई उनकै पूर्वकार्यकर्ता बस्नेततले करिब तीन हजार मतान्तरले पराजित गरेका छन्।

खनालले यो क्षेत्रबाट ०५६ सालबाहेक सबै चुनावमा जितेका थिए। यसपटक पाँचदलीय गठबन्धनको साथ रहँदा पनि उनले जित्न सकेनन्।

उनले धाँधली भएको दाबी गर्दै पुनः मतदान गराउनुपर्ने बताउँदै आएका थिए।