काठमाडौँ । राष्ट्रिय स्वतन्त्र पार्टीका सभापति रवि लामिछानेले आफ्नो चुनावी खर्च करिब १२ लाख मात्रै भएको बताएका छन् । उनले आफ्नो चुनावी खर्च सार्वजनिक गर्दै यस्तो जानकारी दिएका हुन् ।

चितवनबाट निर्वाचित लामिछानले चुनावी अवधिमा ११ लाख ८१ हजार ४७२ खर्च भएको जानकारी दिएका हुन् ।

उनले औपचारिक सपथ ग्रहणको दिन वा त्यसअगावै आफ्नो चुनावी खर्चको पूर्ण विवरण तथा आफ्नो सम्पत्ति विवरण सार्वजनिक गर्ने बताए ।

सामाजिक सञ्जालमार्फत जनाकारी दिँदै लामिछानेले आजदेखि खुसियाली मनाउने दिन सकिएको घोषणासमेत गरेका छन् ।