काठमाडौं– प्रतिनिधिसभा रौतहट क्षेत्र नम्बर २ मा स्वतन्त्र उम्मेदवार किरणकुमार साह विजयी भएका छन्।

साहले निकटतम प्रतिद्वन्द्वी नेपाली कांग्रेसका मो. फिरदोस आलमलाई पराजित गरेका हुन्। चुनाव चिह्न चापाकल पाएका साहले ३२ हजार ८४२ मत ल्याएर विजयी भएका हुन्।

उनका निकटतम प्रतिद्वन्द्वी आलमले २८ हजार २४८ मत प्राप्त गरे । जसपाका शैलेन्द्र साहले २ हजर १२२ मत ल्याएर तेस्रो स्थानमा चित बुझाए । पराजित भएका आलम ०७४ मा यस क्षेत्रबाट कांगेसबाट नै जितेका अफताब आलमका छोरा हुन् ।

अफताब अहिले ज्यान मुद्दामा पूर्पक्षका लागि कारागारमा छन् । उनी कारागारमा भएकोले यसपाली उनका छोराले यो क्षेत्रमा टिकट पाएका थिए । रौतहटमा भएको बम बिस्फोटका घाइते हरुलाइ जिउँदै इटा भटामा जलाएको आरोपमा अफताब जेलमा छन् ।