काठमाडौँ । फिफा विश्वकपमा साउदी अरेबियाले अर्जेन्टिनालाई २–१ ले पराजित गरेपछि राष्ट्रिय बिदा घोषणा गरेको साउदीका सरकारी सञ्चारमाध्यमले जनाएका छन् ।

साउदी अरेबियाका राजा सलमानले बिहीबार सरकारी र निजी कर्मचारीलाई बिदा दिने घोषणा गरेका हुन् । विद्यालयहरू पनि बन्द रहने छन् ।

शाही अदालतका सल्लाहकार र साउदी अरेबियाको सामान्य मनोरञ्जन प्राधिकरणका प्रमुख टर्की अल शेखले मंगलबार सहरका मुख्य थिम पार्क र मनोरञ्जन केन्द्रहरूमा निःशुल्क प्रवेश दिइने घोषणा गरे ।

मंगलबार दोहाको लुसेल स्टेडियममा भएको खेलमा साउदी अरेबियाले अर्जेन्टिनालाई २–१ पराजित गरेको थियो ।