काठमाडौँ । अमेरिकी पूर्व राष्ट्रपति डोनाल्ड्र ट्रम्पको रिपब्लिकन पार्टीले अमेरिकी मध्यावधि चुनावमा तल्लो सदन हाउस अफ रिप्रिजेन्टेटिभ्समा २१८ सिट जितेको छ ।

अब अमेरिकी संसदको तल्लो सदनमा रिपब्लिकनको नियन्त्रण हुनेछ । यसबारे राष्ट्रपति जो बाइडेनले आफू ट्रम्पको रिपब्लिकन पार्टीसँग मिलेर काम गर्न तयार रहेको बताए ।

उनले भने, ‘म अमेरिकी जनताको सेवा गर्न डेमोक्रेटिक वा रिपब्लिकन जुनसुकै पार्टीसँग काम गर्नेछु, जनताले आफ्नो कामलाई निरन्तरता दिन चाहन्छन्, जनताका लागि काम गर्न तयार छु ।’

संसद्का दुवै सदनको काम कस्तो ?

अमेरिकामा पनि संसदले कानुन बनाउँछ। प्रतिनिधिसभाले कुन कानूनमा मतदान गर्ने निर्णय गर्दछ । यसपछि, सिनेटले ती कानूनहरूलाई अनुमोदन वा रोक्छ । यससँगै सिनेटले राष्ट्रपतिद्वारा नियुक्त व्यक्तिहरूको पुष्टि गर्छ । आवश्यक परेमा सिनेटले पनि राष्ट्रपतिविरुद्ध छानबिन गर्छ ।

न्युयोर्क टाइम्सको रिपोर्टअनुसार तल्लो सदन हाउस अफ रिप्रिजेन्टेटिभ्समा रिपब्लिकन र डेमोक्रेटिक पार्टीहरूबीच घनिष्ट भिडन्त भएको थियो । बिडेनको डेमोक्र्याटिक पार्टीले यहाँ २११ सिट जितेको छ ।

मध्यावधि चुनावको नतिजाले २०२४ मा हुने राष्ट्रपति चुनावको उम्मेदवारीको आधार निर्धारण गर्छ। सरल शब्दमा बुझ्नुहोस्, जनताको भोटको आधारमा राष्ट्रपतिको उम्मेदवारको मूल्याङ्कन हुन्छ र राष्ट्रपति निर्वाचित हुन्छ ।

ट्रम्पले सन् २०२४ को राष्ट्रपतीय चुनाव लड्ने

अमेरिकाका पूर्व राष्ट्रपति ट्रम्पले सन् २०२४ को राष्ट्रपतीय निर्वाचनमा लड्ने घोषणा गरेका छन् । उनले भने, ‘अमेरिकालाई फेरि महान र गौरवशाली बनाउन राष्ट्रपति पदका लागि उम्मेदवारी घोषणा गर्दैछु ।’

ट्रम्प चुनावको औपचारिक घोषणा गर्ने पहिलो प्रमुख दावेदार बनेका छन् । अर्थात् २०२४ मा ट्रम्पले वर्तमान राष्ट्रपति जो बाइडेनसँग फेरि कडा टक्कर दिन सक्नेछन् ।