सल्यान : सिद्धकुमाख गाउँपालिका १ हामपाल बस्ने २१ वर्षीया सोभा बुढाथोकी र उनकै छोरी ४ वर्षीया प्राप्ती बुढाथोकीको अरिङगालले टोकेर सोमबार साँझ मृत्यु भएको छ।

धान काटी घरतर्फ फर्कने क्रममा अरिङ्गालले टोकेर गम्भीर घाइते भएका उनीहरूलाई श्रीनगरस्थित परोपकार अस्पताल हुँदै थप उपचारका लागि कोहलपुतर्फ लैजाने क्रममा प्राप्तीको बाटोमै मृत्यु भएको हो भने सोभाको मेडिकल कलेज कोहलपुरमा थप उपचारको क्रममा मृत्यु भएको हो ।

साथै उनीहरुसँगै आएका सिद्धकुमाख गाउँपालिका १ हामपाल बस्ने २१ वर्षीय नबिन बस्नेत समेतलाई अरिङ्गालले टोक्दा घाइते भएका नबिनको श्रीनगरस्थित परोपकार अस्पताल सल्यानमा उपचार भइरहेको छ।

यस सम्बन्धमा प्रहरीले आवश्यक अनुसन्धान गरिरहेको छ।