काठमाडौँ । साताको पहिलो कारोबार दिन आइतबार नेपाली बजारमा सुनको मूल्य घटेको छ ।

शुक्रबार प्रतितोला ९४ हजार एक सय रुपैयाँमा कारोबार भएको छापावाला सुनको मूल्य आज तोलामा एक हजार रुपैयाँले घटेर ९३ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै, आज तेजाबी सुनको मूल्य ९२ हजार ६ सय रुपैयाँ कायम रहेको छ । यसैगरी, आज चाँदीको मूल्य पनि घटेको छ ।

आइतबार चाँदी तोलामा २५ रुपैयाँले घटेर प्रतितोला एक हजार १६० रुपैयाँमा कारोबार भइरहेको महासंघले जनाएको छ ।