काठमाडौं- काठमाडौं महानगरपालिका-१५ कारखानाचोक नजिक सडक पेटीमा हाल नाम थर वतन नखुलेका करिब ३६ वर्षीय पुरूष सोमबार मृत अवस्थामा फेला परेका छन् ।
डोटी जोरायल गाउँपालिका-५ सेलकुटीगाड बस्ने १८ वर्षीया छाया कुमारी भण्डारी आफ्नो घर नजिक भुकुण्डीगाडमा आइतबार मृत अवस्थामा फेला परेकी छन् । नुहाउन गएकी उनी अबेरसम्म पनि घर नफर्किएपछि खोजी गर्ने क्रममा उक्त स्थानमा उनको शव फेला परेको हो ।
दाङ तुलसीपुर उपमहानगरपालिका-६ हात्तखौवास्थित बाटोको छेउको खाल्डोमा सोही उपमहानगरपालिका-१ बयालकोट घर भई तुलसीपुर उपमहानगरपालिका-६ बस्ने ४४ वर्षीय लुम प्रशाद भण्डारी सोमबार मृत अवस्थामा फेला परेका छन् ।
पाल्पा रिब्दिकोट गाउँपालिका-२ मसार बस्ने २२ वर्षीया रेश्मी बिक आफ्नै कोठामा सोमबार मृत अवस्थामा फेला परेकी छन् ।
मकवानपुर भिमफेदी गाउँपालिका-८ धार्केखोला दोभानस्थित बागमती खोलाको किनारमा हाल नाम, थर, वतन नखुलेका करिब ३० वर्षीय पुरुष सोमबार मृत अवस्थामा फेला परेका छन् ।
बागलुङ गलकोट नगरपालिका-६ स्थित दरम खोलाको किनारमा हाल नाम, थर, वतन नखुलेका ५५ वर्षय पुरुष सोमबार मृत अवस्थामा फेला परेका छन् ।
बाँके राप्तीसोनारी गाउँपालिका-२ अम्रवाघाटमा हाल नाम, थर, वतन नखुलेका अन्दाजी ४५ वर्षीय पुरुष आइतबार मृत अवस्थामा फेला परेका छन् ।
तनहुँ आँबुखैरेनी गाउँपालिका-५ सोतास्थित सेती नदीको किनारमा हाल नाम, थर, वतन नखुलेका अन्दाजी ३५ वर्षीय पुरुष आइतबार मृत अवस्थामा परेका छन् ।