काठमाडाैं : चितवन मेडिकल कलेज (सीएमसी) को भरतपुरमा रहेको शिक्षण अस्पतालमा स्थानीयले ताेडफाेड गरेका छन। उपचारकाे क्रममा विरामीकाे मृत्यु भएपछि मृतकका आफन्त तथा स्थानीले मंगलबार दिउँसो अस्पताल तोडफोड गरेका हुन।
भरतपुर महानगरपालिका-१३ का ३६ वर्षीय रमेश कुँवरको सोमबार साँझ उपचारकाे क्रममा मृत्यु भएकाे थियाे।
प्याङ्क्रियाजमा समस्या भएर उपचारका लागि सोमबार अस्पताल भर्ना भएका कुँवरकाे स्वास्थ्य अवस्था जटिल हुँदै गएपछि विभिन्न अंगप्रत्यङ्गहरूले काम नगरेकाे कारण हिजै मृत्यु भएकाे थियाे।
निधनको कारणका बारेमा आफन्तलाई हिजो नै सबै जानकारी दिए पनि आज धेरै मान्छेहरू अचानक आएर तोडफोड गरेकाे अस्पतालले जनाएकाे छ।
आज दिउँसो साढे १ बजेतिर स्थानीय र आफन्त अस्पताल आएर चिकित्सकले लापरबाही गरेका कारणले बिरामीको निधन भएको भन्दै ताेडफाेड गरिएकाे हाे।
घटनापछि प्रहरीले १३ जनालई नियन्त्रणमा लिएर अनुसन्धान सुरू गरेको जिल्ला प्रहरी कार्यालय चितवनले जनाएकाे छ।