सुनसरी- बराहक्षेत्रस्थित प्राचीन औलिया मठमा नवरात्रको अवसरमा नौकन्या पूजन गरिने भएको छ।

नौरथा लागेपछि घटस्थापनाको पहिलो दिनदेखि रुद्री, चण्डी र सप्तसती पाठ दैनिक हुँदै आएको छ। सोही क्रममा नवमीका अवसरमा नौकन्या पूजन हुने औलिया मठका व्यवस्थापक विनायक पुरीले जानकारी दिए।

औलिया मठमा गुठी सस्थानले नयाँ व्यवस्थापकलाई अख्तियारी दिएपछि साधुमहन्तहरूको उपस्थिति बढेको छ। बराहक्षेत्र-१ वडा कार्यालय र औलिया मठ चतराको संयुक्त आयोजनामा नौकन्या पूजन गरिने वडाध्यक्ष किसन मगरले जानकारी दिए।

भोलि हुने पूजाको प्रसाद ग्रहण गरिदिन सम्पूर्ण नगरवासीलाई व्यवस्थापक पुरीले आग्रह गरेका छन्।