काठमाडाैं : निर्वाचन आयोगले ‘प्रेस अफिस’ सञ्चनलन गरेकाे छ। सेना र प्रहरीको साइबर ब्युरोका प्रतिनिधिसमेत रहने गरी सर्वसाधरणको सामाजिक सञ्जाल, मिडिया अनुगमन गर्न शुक्रबारबाट सञ्चालनमा ल्याएको हाे।

अभिव्यक्ति र प्रेस स्वतन्त्रतालाई कुण्ठित खालको संरचना बनाउन लागेको भन्दै पत्रकार महासंघ लगायतका संस्थाले प्रश्न उठाइरहेको बेला आयोगले यस्तो संरचना औपचारिकरुपमा सञ्चालनमा ल्याएको छ।

यसअघिका निर्वाचनमा सञ्चारमाध्यममा आउने सामग्रीको अनुगमन प्रेस काउन्सिलले गर्दै आएकोमा यसपटक आयोगले आफैं गर्न लागेको हो।

मिडियामा आउने सामग्री र सर्वसाधरणको सामाजिक सञ्जाल अनुगमन गर्न आयोगको एउटै कोठामा सेना र प्रहरीको साइबर ब्युरोको प्रतिनिधि, विज्ञापन बोर्ड, प्रेस काउन्सिल, दूरसञ्चार प्राधिकरणलगायतका प्रतिनिधिलाई राखिएको छ।