धनकुटा : नेकपा माओवादी केन्द्र धनकुटाका पाेलिट्ब्युराे सदस्य हेमराज भण्डारीले पदबाट राजीनामा दिएका छन। सत्तारुढ गठबन्धनभित्र सिट बाँडफाँट गर्दा धनकुटाबाट प्रतिनिधिसभा सदस्य उम्मेदवार माओवादीले नपाउने भएपछि भण्डारीले राजीनामा दिएका हुन।
उनीसँगै अन्य १४ जना सदस्यले पनि राजीनामा दिएका छन । माओवादी केन्द्र धनकुटाका जिल्ला संयोजक डिल्लीराम राईले आइतबार एक विज्ञप्ति जारी गर्दैै जिल्लाबाट प्रतिनिधित्व गर्ने पोलिट्ब्यूरो सदस्य, केन्द्रीय सदस्य, प्रदेश समितिका पदाधिकारी, प्रदेश सदस्य र जिल्ला समन्वय समितिका सदस्यहरुले सामूहिक राजीनामा दिएको घोषणा गरेका छन् ।
माओवादीबाट राजीनामा दिएसँगै भण्डारीले प्रतिनिधिसभा सदस्यमा स्वतन्त्र उम्मेदवारी घोषणा गरेका छन् ।
पार्टीमा उनी प्रतिनिधिसभा सदस्यको उम्मेदवारको दाबेदार थिए । तर धनकुटामा नेपाली कांग्रेस र जनता समाजवादी पार्टीले दाबी छाडेका छैनन् ।