टिकटक र फेसबुकको
लाइक र भ्युजमा
रमाएको हाम्रो समाज
दायित्व बिर्सेर
अधिकारमा
रमाएको हाम्रो समाज
राजतन्त्र, प्रजातन्त्र,
लोकतन्त्र, गणतन्त्रको
भुमरीमा
रमाएको हाम्रो समाज
कागले कान लग्यो
भन्ने हल्लाका पछि दौडिँदै
रमाएको हाम्रो समाज
आज हैन अहिले नै
धनी हुने सपनामा
रमाएको हाम्रो समाज
जनताको टाउकोमा दाईं गर्ने
नेता उत्पादन गर्नमा
रमाएको हाम्रो समाज
नेताको बकम्फुसे
गफमा
रमाएको हाम्रो समाज
एनआरएनको परिचय बोकी
विदेशमा बसे पनि
नेपाली राजनीतिमा
रमाएको हाम्रो समाज
विदेशी बर्को ओढी
नेपाली उत्पादनको
रोइलोमा
रमाएको हाम्रो समाज
विदेशी शक्तिको
हातको कथामा
रमाएको हाम्रो समाज
गरिखाएको देखेर
गुरररर किटकिटमा
रमाएको हाम्रो समाज
एउटाले केही ग¥यो
लस्करै त्यही काम पछि लागेर
रमाएको हाम्रो समाज
अरू घोडा चढेको देखी
आफू मुढा चढी
रमाएको हाम्रो समाज
अगाडि दर्शन
पछाडि धारे हात तेस्र्याएर
रमाएको हाम्रो समाज
हल्लाकै भरमा
प्लेकार्ड बोकी बाटोमा
रमाएको हाम्रो समाज
चीन भारत
भारत चीनमा
रमाएको हाम्रो समाज
जंगल, खोला मासेर
वातावरण संरक्षणमा
रमाएको हाम्रो समाज
दशैं, भैलो, छठ, लोसार
देउडा, मारुनीमा
रमाएको हाम्रो समाज
यस्तै उस्तै
जस्तै त्यस्तैमा
रमाएको हाम्रो समाज
हामी पनि त्यस्तै
विचारै नगरी भोट दिन्छौं
पार्टीका नाममा होइन
मान्छे चिनेर भोट दिऊँ