काठमाडौं- मोहालीको चण्डीगढ विश्वविद्यालयमा अध्ययनरत ६० छात्राहरुको नुहाउँदै गरेको भिडियो भाइरल भएको छ ।

उक्त घटनापछि ८ छात्राले आत्महत्याको प्रयास गरेका छन् । जसमध्ये एक जनाको अवस्था गम्भीर रहेको भारतीय सञ्चार माध्यमहरुले जनाएका छन् ।

छात्राहरु नुहाउँदै गरेको उक्त भिडियो सोही विश्वविद्यालयमा अध्ययनरत एक छात्राले बनाएकी थिइन् र उनले उक्त भिडियो सिमलाको केटा साथीलाई पठाएको बताइएको छ । केटाले उक्त भिडियोहरू सामाजिक सञ्जालमा पोस्ट गरेपछि घटना बाहिरिएको हो ।

उक्त भिडियो सार्वजनिक भएपछि शनिबार रातिदेखि चण्डीगढ विश्वविद्यालयमा ठूलो होहल्ला  भएको थियो । हाल विद्यार्थी र उनीहरुका परिवारले विश्वविद्यालय बाहिर प्रर्दशन गरिरहेका छन् ।