काठमाडौँ । धनुषाको शहिदनगर नगरपालिका ३ यदुकुहामा अन्दाजी २६ वर्षीय युवतीको शव फेला परेको छ । मंगलबार बिहान स्थानीयबासीले नहरको डिलमा बाँसको झाडीमा शव देखेका थिए ।

युवतीको शव फेला परेसँगै स्थानीयबासीले प्रहरीलाई खबर गरेका थिए । शवको प्रकृति हेर्दा बलात्कारपछि हत्या भएको देखिने प्रहरीले जनाएको छ ।

अहिले प्रहरी टोली तालिम प्राप्त कुकुर लिएर घटनास्थलमा पुगेको छ । प्रहरीले कुकुरको मद्दतबाट घटनामा संलग्नको खोजी गरिरहेको छ ।

मृतक युवतीका श्रीमान वैदेशिक रोजगारीमा छन् । उनको एक ३ वर्षीय छोरी छन् ।