काठमाडौं – नेपाली महिला फुटबल टिमकी स्ट्राइकर सावित्रा भण्डारीलाई डेंगु संक्रमण पुष्टि भएको छ ।

डेंगुका पुष्टि भएसँगै उनले काठमाडौंमा जारी साफ महिला च्याम्पियनसीप गुमाउने भएकी छन् । उनी नेपाली टोलीकी महत्वपूर्ण खेलाडी हुन् । आज साँझ नेपाल र श्रीलंका बीच खेल हुँदैछ ।

पहिलो खेलमा भुटानलाई हराएको नेपालले समूह ‘बी’को अन्तिम खेलमा श्रीलंकासँग खेल्दैछ । बेलुकी ५ः३० बजे त्रिपुरेश्वरस्थित दशरथ रंगशालामा हुने यो खेल ३ गोलभन्दा कमको अन्तरले हारे पनि नेपाल सेमिफाइनलमा पुग्ने छ ।