काठमाडौँ । आज नेपाली बजारमा सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ३०० रुपैयाँले घटेको हो ।

मूल्य घटेसँगै आज छापावाल सुनको प्रति तोलामा ९३ हजार ६०० र तेजाबी सुनको मूल्य तोलामा ९२ हजार १०० रुपैयाँमा कारोबार भइरहेको छ ।

आइतबार भने सुनको मूल्य स्थिर रहेको थियो । यसैगरी, चाँदीको मूल्य आज पनि स्थिर नै कायम भएको छ । महासंघका अनुसार चाँदीको मूल्य आज पनि ११ सय ५० रुपैयाँमा कारोबार भइरहेको छ ।