चतरा- तिथिअनुसार आइतबारदेखि सोह्र श्राद्ध शुरु भएको छ। यस अवसरमा सुनसरी बराहक्षेत्र पुगेर आफ्ना दिवंगत पितृको सम्झना गर्ने प्रचलन छ।

आइतबार भने बराहक्षेत्र हिँडेका भक्तजनलाई मुसलधारे वर्षाले अवरोध पु¥यायो। बराहक्षेत्र सडकका ठाउँ-ठाउँमा खसेको पहिरोका कारण भक्तजन अलपत्र परे।

काठमाडौंसहित देशका विभिन्न भाग, भारत र भुटानबाट आएका भक्तजनहरू पहिरोका कारण बिचल्लीमा परे।

बिचल्ली परेकाहरूलाई बराहक्षेत्र नगरपालिका–१ का अध्यक्ष किशन मगरको पहलमा उद्धार गरिएको थियो।