काठमाडौँ । शुक्रबार राति परेको वर्षाले दार्चुलाको सदरमुकाम खलङ्गा क्षेत्रमा ठूलो मात्रामा धनजनको क्षति पुगेको छ । जिल्ला प्रहरी कार्यालय दार्चुलाका अनुसार बाढीले करिब डेढ दर्जन घर बगेको छ ।

घटनामा ६ जना बेपत्ता भएका छन् । एक जनाको शव फेला परेको छ ।

जिल्लाको महाकाली नगरपालिका ३ डुङ्गरी क्षेत्रमा एकै घरका धनसिंह, मानमती, दीपक, दिनेश कार्की बेपत्ता भएका छन् । जिल्लाको नौगाड गाउँपालिकामा ३५ वर्षीय चिमणे ठगुन्नाको मृत्यु भएको हो ।

यस्तै सोही क्षेत्रका एक जना बेपत्ता भएका छन् भने दुई जना गम्भीर घाइते भएका छन् । घाइते हुनेमा नौगाड गापाका कासी ठगुन्ना र रम्बा ठगुन्ना रहेका छन् ।