काठमाडाैं : नेकपा माओवादी केन्द्रका नेता जनार्दन शर्माले उपमहासचिव पद अस्वीकार गरेका छन्।

बुधबार दिउँसो अखिल क्रान्तिकारीको क्रान्तिकारी फोर्सं घोषणा कार्यक्रममा नेता शर्माले आफू पार्टीको उपमहासचिवको हैसियतले नभई संगठन विभाग प्रमुखको हैसियतले उपस्थित भएको बताएका हुन।

कार्यक्रममा शर्माले भने, ‘म संगठन विभाग प्रमुखको हैसियतले सम्बोधन गरेको तपाईंहरुलाई जानकारी गराउन चाहन्छु।’
अध्यक्ष पुष्पकमल दाहाल प्रचण्डले भदौ ४ गते महासचिवका दावेदार रहेका शर्मालाई उपमहासचिव बनाउँदै देव गुरुङलाई महासचिव बनाएका थिए।

माओवादीले गिरिराजमणि पोखरेल, वर्षमान पुन, हरिबोल गजुरेल पम्फा भुसाल, जनार्दन शर्मा, शक्ति बस्नेत र मात्रिका यादव उपमहासचिव तोकेको थियो। त्यो निर्णयमा शर्माले फरक मत राखेका थिए।