नयाँदिल्ली- बेलायतलाई पछाडि पार्दै भारत विश्वको पाँचौं ठूलो अर्थतन्त्र बनेको छ। बेलायत एक स्थान तल झर्दै छैटौं अर्थतन्त्र बनेको छ।
अन्तर्राष्ट्रिय मुद्रा कोषको आँकडामा आधारित रहेर ब्लुमबर्गले उक्त गणना गरेको हो। र, अमेरिकी डलरको कारोबारलाई आधार बनाएर रिपोर्ट तयार पारिएको छ।
भारतीय अर्थव्यवस्थाको आकार नोमिनेसन क्यास टर्म्समा ८५४.७ अर्ब डलर पुगेको छ। बेलायतको अर्थव्यवस्थाको आकार ८१६ अर्ब डलर छ। सन् २०२२ मा भारतीय अर्थव्यवस्था सात प्रतिशतले बढ्ने अनुमान ब्लुमबर्गको छ।
कोरोना महामारीका कारण आएको गिरावटबाट भारत विस्तारै उकालो लाग्दैछ। बुधबार जारी गरिएको पहिलो त्रैमासिक रिपोर्टमा उल्लेखित कुल गार्हस्थ्य उत्पादन (जीडीपी)को आँकडाअनुसार जुन २०२२ मा भारतले १३.५ प्रतिशतको वृद्धि हासिल गरेको छ।
उता, बेलायतको अर्थतन्त्रमा देखिएको तीव्र गिरावट भावी प्रधानमन्त्रीका लागि मुख्य चुनौति हुन सक्ने देखिएको छ। ५ सेप्टेम्बरमा बेलायतका नयाँ प्रधानमन्त्रीको चुनाव हुँदैछ।
अहिले अमेरिका विश्वको सबैभन्दा ठूलो अर्थव्यवस्थाका रूपमा कायम छ। त्यसपछि चीन, जापान र जर्मनीका अर्थतन्त्र दोस्रो, तेस्रो र चौथो नम्बरमा छन्।