काठमाडौँ । आगामी मंसिरमा हुने संघ र प्रदेशसभा निर्वाचनमा बाबुराम भट्टराई र वामदेव गौतम माअ‍ोवादी केन्द्रको चुनाव चिह्नबाट निर्वाचन लड्ने भएका छन् । पूर्वप्रधानमन्त्री तथा नेपाल समाजवादी पार्टीका अध्यक्ष भट्टराई र नेकपा राष्ट्रिय एकता अभियानका संयोजक गौतम माओवादी केन्द्रको चुनाव चिह्नबाट निर्वाचन लड्ने भएका हुन् ।

मंगलबार बसेको माओवादी केन्द्रको स्थायी समिति बैठकले उक्त निर्णय गरेको प्रवक्ता कृष्णबहादुर महराले जानकारी दिए ।

‘राष्ट्रिय एकता अभियानका वामदेव गौतम र बाबुराम भट्टराईले हाम्रो नेकपा माओवादी केन्द्रको चुनाव चिह्नबाट आगामी संसदीय चुनाव लड्ने चाहना व्यक्त गर्नु भयो,’ उनले भने, ‘त्यसको स्वागत गर्छौं, उहाँहरूका बाँकी नेताहरूलाई पनि चुनाव चिह्नबाट लड्न स्वीकृत गरिेका छौं ।’