काठमाडौँ । पालुङटार नगरपालिका ५ धरमपानी बस्ने ३५ वर्षीय बुद्धि बहादुर विकको कुटपिटबाट मृत्यु भएको घटनामा संलग्न चार जनालाई पक्राउ गरिएको छ ।

कुटपिट गर्ने सोही ठाउँका ३४ वर्षीय राम शरण विकलगायत ४ जनालाई गएराति प्रहरीले पक्राउ गरेको छ । उनीहरूले मादक पदार्थ सेवन गरी कुटपिट गर्दा गम्भीर घाइते भएका बुद्धि बहादुरको आँपपिपल अस्पताल पालुङटारमा उपचारको क्रममा मृत्यु भएको हो ।

घटनामा संलग्नहरूलाई इलाका प्रहरी कार्यालय ठाँटी पोखरीबाट खटिएको प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।