काठमाडौं- एमाले नेता घनश्याम भुसालले माओत्सेतुङका चेलाहरूलाई कांग्रेस सभापति तथा प्रधानमन्त्री शेरबहादुर देउवाले प्रयोग गरिरहेको आरोप लगाएका छन्।

आफ्नो फेसबुक पेजमा धारणा राख्दै पूर्वकृषि मन्त्री भुसालले माओका नेपाली चेला माओवादीहरूलाई योग्यताका साथ प्रयोग गरिरहेको बताएका हुन्।

‘माओत्सेतुङले धेरैपटक व्याख्या गरेको एउटा सिद्धान्त ‘संयुक्त मोर्चा’ हो। त्यसले भन्छ– प्रमुख विपक्षीका विरुद्ध क्रान्तिका सबै सहयोगीहरूलाई एकत्रित गर्नु नेतृत्वको योग्यता हो,’ उनले लेखेका छन्, ‘तर, नेपालका कम्युनिस्टहरूका अगाडि एउटा मर्मान्तक तथ्य छ- श्रीमान् देउवाले योग्यताका साथ संयुक्त मोर्चाको प्रयोग गरेका छन् र माओका चेलाहरू प्रयोग भएका छन्।’