काठमाडौं- माओवादी केन्द्रका वैकल्पिकसहित १५६ सदस्यीय पोलिटब्युरो गठन गर्ने भएको छ।
काठमाडौंमा जारी केन्द्रीय समिति बैठकमा अध्यक्ष पुष्पकमल दाहाल ‘प्रचण्ड’ ले पोलिटब्युरो सदस्यको नाम प्रस्ताव गरेका हुन्।
माओवादीले पुराना र वरिष्ठ नेतालाई स्थायी समिति, दोस्रो तहका नेतालाई पोलिटब्युरोमा समावेश गरेको छ। माओवादी केन्द्रीय समिति ३७७ सदस्यीय छ। त्यसको एक तिहाइ अर्थात् १२५ जनाको पोलिटब्युरो रहने व्यवस्था गरिएको छ। केहीलाई भने वैकल्पिक पोलिटब्युरो सदस्य प्रस्ताव गरिएको छ।
स्थायी समितिमा अध्यक्ष प्रचण्डसहित नारायणकाजी श्रेष्ठ, कृष्णबहादुर महरा, देव गुरुङ, गिरिराजमणि पोखरेल, वर्षमान पुन, हरिबोल गजुरेल, शक्ति बस्नेत, जनार्दन शर्मा, चक्रपाणि खनाल, पम्फा भुसाल, हितमान शाक्य, कुलप्रसाद केसी, मातृका यादव, जयपुरी घर्ती, लीलामणि पोखरेललगायत समावेश भएका छन्। केन्द्रीय कार्यालय सचिव, पार्टी मातहतका आयोगका अध्यक्षलगायत पनि सो समितिमा रहनेछन्।