काठमाडौं- अर्थमन्त्री जनार्दन शर्माले पदबाट राजीनामा दिएका छन्।

प्रतिनिधिसभामा सम्बोधन गर्दै उनले राजीनामा घोषणा गरेका हुन्। संसदीय छानविनलाई सहज बनाउन आफूले पदबाट राजीनामा दिएको उनले बताए।

मन्त्री शर्मामाथि छानविन गर्न प्रतिनिधिसभाले विशेष समिति गठन गरेको छ। समितिमा ११ जना सांसद सदस्य छन्।

समितिलाई १० दिनको समय दिइएको छ। आगामी आर्थिक वर्षको बजेटमा करका दर हेरफेर गर्न अर्थ मन्त्रालयमा अनधिकृत व्यक्तिलाई प्रवेश गराइएको विषयमा समितिले छानविन गर्नेछ।

विगतमा संसदीय छानविन समिति गठन हुँदा पनि मन्त्रीहरू बहाल रहेको तर आफूले पदमा बस्न उपयुक्त नठानेको उनले बताए।