काठमाडौं- प्रदेश-१ सभामा एमालेबाट हिमा बस्नेत भट्टराई चार महिनाका लागि सांसद मनोनित भएकी छन्।

समानुपातिक कोटाको रिक्त एक प्रदेशसभा सदस्यमा एमालेले बस्नेतलाई मनोनित गरेको हो। सरकारी छाप र हस्ताक्षर किर्ते अभियोगमा दोषी ठहर भएकी सांसद गुलेफुन खातुनले राजीनामा दिएपछि उनको ठाउँ रिक्त थियो। उनी अल्पसंख्यक समुदायको कोटाबाट सांसद बनेकी थिइन्।

एमालेले समानुपातिक सूचीमा रहेकी बस्नेतलाई खस आर्य कोटाबाट सांसद मनोनित गरेको हो। प्रदेशसभाको कार्यकाल नै जम्मा चार महिना बाँकी छ। एमालेले पद दरिक्त नराख्न बस्नेतलाई मनोनित गरेको हो।