नयाँदिल्ली- इंग्ल्यान्ड पुगेका भारतीय क्रिकेट टोलीका कप्तान रोहित शर्मा कोरोना संक्रमित बनेका छन्।

भारतीय क्रिकेट काउन्सिलले ट्विटमार्फत कप्तान शर्मालाई कोरोना संक्रमण भएको जानकारी दिएको हो। भारतीय टोली अहिले इंग्ल्यान्डसँग टेस्ट म्याचका लागि लन्डनमा छ।

बीसीसीआईका अनुसार एन्टिजेन परीक्षणबाट उनमा संक्रमण पुष्टि भएको हो। र, अहिले टिम बसेकै होटलमा उनलाई आइसोलेसनमा राखिएको छ। मेडिकल टोलीले उनको उपचार गरिरहेको छ। भारत र इंग्ल्यान्डबीच १ जुलाईदेखि टेस्ट म्याच शुरु हुँदैछ।