काठमाडौँ । लुम्बिनी प्रदेशका विवादित स्वास्थ्य तथा परिवार कल्याण राज्यमन्त्री विमला वलीलाई ‘प्रेमी’ एकराज बस्नेतले कारबाही गर्न माग गरेका छन् ।
गत जेठ ३१ गते बस्नेत घरमा नभएको अवस्थामा सुरक्षाकर्मीसहित पुगेर बस्नेतकी श्रीमति र छोरीलाई पिटेको, घरमा तोडफोड गरेकाले मन्त्री वलीलाई कारबाही गर्नु पर्ने माग गरेका हुन् ।
प्रदेश सरकारले गठन गरेको छानविन समितिमा बस्नेतले मन्त्री वलीलाई कारबाही गर्ने पर्ने बताएका हुन् । बस्नेतको श्रीमतिले वलीले घरमा पुगेर ‘मेरो पोई खोई ?’ भन्दै कुटपिट गरेको, तोडफोड गरेको, छोरीलाई कुटपिट गरेको भन्दै प्रहरीमा जाहेरी दिएकी छन् ।
छानविन समिति समक्षका अनुसार वली र बस्नेतबीच आर्थिक लेनदेनको कारोबार खुलेको छ । मन्त्री वलीले एकराजकी श्रीमती मीना र साढे ३ वर्षकी छोरीमाथि कुटपिट गरेकी थिइन् ।
‘मेरो र उहाँबीच साढे ६ लाखको लेनदेन भएको हो, तर त्यो रकम पनि मैले राज्यमन्त्री ज्यूकै आग्रहमा उहाँकै काममा खर्चिएको हो,’ बस्नेतले छानबिन समितिसँग भनेका छन् ।