काठमाडौं– बिहीबार सुनको मूल्य प्रतितोलामा २०० रुपियाँले वृद्धि भएको छ।

बुधबार प्रतितोला ९७ हजार ३०० मा कारोबार भएको सुनको भाउ बिहीबार २०० रुपियाँले वृद्धि भएर ९७ हजार ५०० रुपियाँमा किनबेच भइरहेको नेपाल सुनचाँदी व्यवसायी महासंघले जनाएको छ।

यस्तै तेजावी सुनको भाउ पनि ९७ हजारमा नेपाली बजारमा कारोबार भइरहेको महासंघले जनाएको छ।

बिहीबार चाँदी प्रतितोला एक हजार २५० रुपियाँमा कारोबार भइरहेको छ। पछिल्लो दिनयता चाँदीको मूल्य घटदो क्रममा छ।