भरतपुर– नारायणगढ–मुग्लिन सडक खण्डमा चिप्लिएर लड्दा गाडीका सहचालक खोलामा बेपत्ता भएका छन्।

काठमाडौंबाट धनगढी जाँदै गरेको ना६ख ७४६३ नम्बरको बसका सहचालक चितवन इच्छाकामना–५ स्थित खहरे खोलामा चिप्लिएर खसेको प्रहरीले जनाएको छ।

कैलाली गोदावरी नगरपालिकाका ३५ वर्षीय तेजबहादुर बोहरा बसको ढोकाबाट झरी चाउचाउ किन्न जाँदा चिप्लिएका हुन्। सशस्त्र प्रहरीको विपद व्यवस्थापन तालिम शिक्षालय कुरिनटारको उद्धार टोलीले उनको खोजी गरिरहेको छ।

बोहराले लगाएको चप्पल केही तल फेला परे पनि हालसम्म उनलाई फेला पार्न सकिएको छैन।