सप्तरीमा बुधबार बिहान भएको विंगर दुर्घटनामा एक वृद्धाको मृत्यु भएको छ भने अन्य १० जना घाइते भएका छन्।

रूपनी गाउँपालिका-५ मुसहरनियाँ बसविट्टीमा विंगर दुर्घटनामा परेको हो। त्यसमा सवार ६८ वर्षीया तारावतीदेवी यादवको मृत्यु भएको प्रहरीले जनाएको छ । दुर्घटनामा परी अन्य १० यात्री घाइते भएका छन् ।

प्रहरीका अनुसार प्र ३–००१ ज ०२७७ नम्बरको उक्त विंगर रुपनीबाट राजविराज जाँदै थियो । घाइतेहरूको गजेन्द्रनारायण सिंह अस्पतालमै उपचार भइरहेको छ ।