काठमाडौं- कपिलवस्तुका कांग्रेस सांसद अभिषेकप्रताप शाहले शिवराज नगरपालिकालाई एक थान सुविधा सम्पन्न एम्बुलेन्स हस्तान्तरण गरेका छन्।

उक्त एम्बुलेन्स अजयप्रताप शाह सरोजिनी शाह मेमोरियल ट्रस्टले सञ्चालन गर्दै आएको थियो। आफ्ना माता–पिताको स्मृतिमा सांसद शाहले ट्रस्ट स्थापना गरेका छन्। ट्रस्टका अध्यक्ष सांसद शाह आफैँ हुन्।

कोभिडकालमा उक्त एम्बुलेन्सले कपिलवस्तुका बासिन्दालाई सेवा दिएको थियो। एम्बुलेन्समा अक्सिजन, ईसीजी मेसिन, मनिटरलगायत अत्याधुनिक सुविधा उपलब्ध छ।