चीनको दक्षिण-पश्चिमी प्रान्त गुइझोउमा बुलेट ट्रेन दुर्घटनामा परेको छ। घटनामा ट्रेनका ड्राइभर मारिएका छन् भने आठ यात्री घाइते भएका छन्।

तीव्र गतिको ट्रेन लिकबाट बाहिरिएको थियो। सीसीटीभीका अनुसार उक्त ट्रेन गुआङडोङ प्रान्ततर्फ जाँदै थियो। एक सुरुङनजिक रेलको लिकमा ढिस्को झरेको थियो। सोही कारण सन्तुलन बिग्रिएर रेल लिकबाट बाहिरिएको हो।

घटनामा चालक बस्ने डब्बा क्षतिग्रस्त भएको छ। पछाडिका अन्य डब्बामा ठूलो क्षति नपुगेको चिनियाँ सञ्चार माध्यमले जनाएका छन्।

रेलका कन्डक्टर र अन्य सात यात्री घाइते भएका छन्। उनीहरूको स्थानीय अस्पतालमा उपचार भइरहेको छ। उनीहरू सबै खतरामुक्त छन्।