काठमाडौँ । नेपाली कांग्रेसका सांसद गगन थापाले देशलाई पेट्रोलियम पदार्थ प्रयोगविहीन बनाउने बताएका छन् । उनले नेपाललाई दश वर्षभित्र पेट्रोल, डिजेल र एलपी ग्यासमुक्त बनाउनु पर्ने बताएका हुन् ।

प्रतिनिधिसभा आजको बैठकमा बोल्दै कांग्रेस महामन्त्रीसमेत रहेका थापाले कार्य योजना बनाएर योजनासहित पेट्रोलियम पदार्थमुक्त देश बनाउनु पर्ने बताएका हुन् ।

‘नेपाललाई पेट्रोल, डिजेल र एलपी ग्यासमुक्त देश बनाउनु पर्छ, महत्वकांक्षी योजनाका साथ हामीले दश वर्षभित्र यसलाई निमिट्यान्न पार्ने भनेर लाग्यौँ भने बाँच्छौं हामी,’ उनले भने, ‘कर घटाएर मात्र हुन्न, यसको उपाय भनेको पेट्रोल, डिजेल र एलपी ग्यासमुक्त देश बनाउने नै हो ।’

सरकारले पेट्रोलियम पदार्थको मूल्य प्रतिलिटर १० रूपैयाँ घटाएको छ ।