काठमाडौँ । काठमाडौं महानगरका नवनिर्वाचित मेयर बालेन शाह पुनः सिसडोल पुगेका छन् । काठमाडौँ महानगरको फोहोर व्यवस्थापन गर्दै आएको उक्त ठाउँको अवस्थाबारे बुझ्न उनी दोस्रोपटक सिसडोल पुगेका हुन् ।

आज मेयर शाहसँगै उपमेयर सुनिता डंगोलसमेत सिसडोल पुगेकी छन् । काठमाडौं उपत्यकाको फोहोर व्यवस्थापनबारे काम गर्न मेयर शाह र उपमेयर डंगोल बिहीबार साँझ मात्र सहरी विकास मन्त्री रामकुमारी झाक्रीसँग परामर्श गर्न पुगेका थिए ।

पछिल्लो समय मेयर शाह काठमाडौं उपत्यकाको फोहोर व्यवस्थापनमा बढी केन्द्रीत हुँदै आएका छन् । यस क्रममा उनले पहिलो कार्यपालिका बैठकदेखि नै छलफल गर्दै आएका छन् ।